Չինաստանի իշխանությունները կսկսեն երկիր վերադարձնել փախած այն կոռուպցիոներների ակտիվները, որոնց բռնել են արտասահմանում, գրում է China Daily-ն:
Աղբյուրի խոսքով, ավելի վաղ գերատեսչության առաջնահերթությունը փախած կոռուպցիոներների անօրինական գործունեության ապացույցների որոնումն էր արտասահմանում, սակայն առաջիկա ամիսներին նախարարության հակակոռուպցիոն նոր նախաձեռնությունը կդառնա Չինաստանից դուրս բերված ակտիվները վերադարձնելը: Այդ նպատակով, նշել է աղբյուրը, գերատեսչությունն ավելի սերտորեն կաշխատի Չինաստանի Ժողովրդական բանկի եւ հատկապես նրա այն բաժանմունքի հետ, որը զբաղվում է դրամական միջոցների լվացման հետաքննությամբ:
Բացի այդ, Չինաստանի իրավապահ մարմիններն ավելի սերտորեն կհամագործակցեն արտասահմանցի գործընկերների հետ յուրաքանչյուր առանձին դեպքում, որպեսզի հասնեն փախած կոռուպցիոներների ձերբակալությանն ու վերադարձմանը: Գերատեսչությունը նաեւ իր հետախուզական տվյալները կտրամադրի գործընկերներին այն երկրներում, որտեղ փախստական կոռուպցիոներներ կան, որպեսզի գտնեն, սառեցնեն եւ վերադարձնեն նրանց ակտիվները:
Արտասահմանում արդեն չինացի մասնագետների ավելի քան 30 խումբ է աշխատում, որոնք զբաղվում են փախած կոռուպցիոներների փնտրտուքով: Մոտ ժամանակներս ակնկալվում է Եվրոպայի եւ Լատինական Ամերիկայի երկրներից մի քանի փախստական կոռուպցիոների վերադարձումը Չինաստան:
Չինաստանի Հանրային անվտանգության նախարարությունը մայիսի սկզբին կոռուպցիայի կամ պաշտոնեական հանցագործությունների մեջ կասկածվող եւ արտասահմանում թաքնվող անձանց հետախուզման նոր արշավ է սկսել: Արշավը ստացել է «Աղվեսի որս 2016» անվանումը: Օգոստոսի կեսին նախարարությունը հայտնել է, որ Չինաստանի իրավապահ մարմիններին հաջողվել է հատուկ գործողության շրջանակում երկրի 409 քաղաքացու ձերբակալել, որոնց նկատմամբ հետախուզում էր հայտարարված եւ որոնք թաքնվում էին արտասահմանում:
