Սեպտեմբերի 22–ին աշխարհի շատ երկրներում նշվում է Առանց ավտոմեքենայի տեղաշարժվելու համաշխարհային օրը, որի նպատակն է քարոզել հետիոտն կամ հեծանվով շրջելու գաղափարը։
Առանց ավտոմեքենայի տեղաշարժվելու օրվա գաղափարը ծնվել է Անգլիայում1997-ին, իսկ մեկ տարի անց այն արդեն տոնում էին Ֆրանսիայում։ Այն ժամանակ այդ օրը նշվում էր միայն 2 տասնյակ քաղաքներում։ Սակայն արդեն 2001–ին այդ շարժմանը պաշտոնապես միացան 35 երկրների ավելի քան հազար քաղաքներ։
Տարբեր երկրների խոշոր քաղաքները այդ օրը կրճատում են ավտոմոբիլների քանակը՝ հօգուտ տրամվայների, տրոլեյբուսների, ավտոբուսների, մետրոյի եւ հասարակական տրանսպորտի այլ միջոցների, ինչպես նաեւ ոտքով եւ հեծանիվով շրջելու։
Աշխարհի շատ քաղաքներում այդ օրը միջոցառումներ են անցկացվում։