ՀՀ վարչապետ Կարեն Կարապետյանն առաջարկել է վերանվանել երեք ու լուծարել մեկ նախարարություն: Սեպտեմբերի 22-ին՝ Կառավարության նիստի ժամանակ, Կառավարության աշխատակազմի ղեկավար, նախարար Դավիթ Հարությունյանը հայտնել է, որ Էկոնոմիկայի նախարարությունն առաջարկվում է վերանվանել Ներդրումների եւ ձեռնարկատիրության աջակցության նախարարություն, Էներգետիկայի ու բնական պաշարների նախարարությունը՝ Էներգետիկ ենթակառուցվածքների եւ բնական պաշարների նախարարություն, իսկ Տրանսպորտի ու կապի նախարարությունը՝ Տրանսպորտի, կապի եւ տեղեկատվական տեխնոլոգիաների նախարարություն:
Քաղաքաշինության նախարարությունն առաջարկվում է լուծարել: Դրա փոխարեն կստեղծվի Ճարտարապետության եւ մշակութային արժեքների պաշտպանության պետկոմիտե:
Այս առաջարկները նախնական են: Ավելի ուշ, երբ Կառավարությունը կկազմի նոր ծրագիրը ու կներկայացնի այն, անհրաժեշտության դեպքում կքննարկվեն նաեւ կառուցվածքային փոփոխությունները:
