Սեպտեմբերի 26-ին Հայաստանի խորհրդարանն արտահերթ նիստ կանցկացնի: Նիստի օրակարգն առաջարկել է կառավարությունը սեպտեմբերի 22-ի նիստում: Ինչպես հայտարարել է կառավարության աշխատակազմի ղեկավար-նախարար Դավիթ Հարությունյանը, առաջարկվում է նիստը հրավիրել սեպտեմբերի 26-ին, ժամը 12.00-ին: Առաջարկվում է քննարկել կառավարության կառուցվածքի փոփոխությունները եւ սկսել Հարկային օրենսգրքի երկրորդ ընթերցմամբ քննարկումը:

Կներկայացվեն նաեւ մի շարք օրինագծեր, որոնք բխում են միջազգային կազմակերպությունների հետ ձեռք բերված համաձայնություններից: Դրանցից մեկը թափոնների վերամշակման օրինագիծն է: Սակայն օրինագծերի հիմնական մասը կքննարկվի երկրորդ ընթերցմամբ: