Նիդերլանդների վարչապետ Մարկ Ռյուտտեն հայտնել է, որ երկրի կառավարությունն ամենայն հավանականությամբ չի վավերացնի Եվրոպական Միության եւ Ուկրաինայի միջեւ ասոցացման համաձայնագիրը` նկատի առնելով ապրիլյան հանրաքվեի արդյունքները, որի ընթացքում հոլանդացիները դեմ են հանդես եկել այդ պայմանագրին, հայտնում է BBC-ն: http://www.bbc.com/
«Կարծում եմ, որ ի վերջո մենք չենք վավերացնի համաձայնագիրը», - հայտնել է Ռյուտտեն, ելույթ ունենալով խորհրդարանում:
ԵՄ-ի նորմերին համապատասխան, համաձայնագիրն ուժի մեջ մտնելուց առաջ, պետք է վավերացվի միության անդամ բոլոր երկրների կառավարությունների կողմից: Իմիջիայլոց, Ռյուտտեն հույս է հայտնել, որ Ուկրաինան կկարողանա շարունակել բանակցությունները ԵՄ-ի անդամ 27 երկրի հետ:
Նիդերլանդների բնակիչները ապրիլին խորհրդատվական հանրաքվեի ընթացքում դեմ են քվեարկել Ուկրաինայի եւ ԵՄ-ի միջեւ ասոցացման համաձայնագրին: Դեմ է հանդես եկել քաղաքացիների 61 տոկոսը, կողմ` 38,2 տոկոսը: Մասնակցությունը 32 տոկոս է կազմել անհրաժեշտ 30 տոկոսի պարագայում:
