Երբ աշխարհում սարսափն է իշխում, երկրները երես են թեքում իրարից: Այդ մասին հայտնել է Եվրոպական Խորհրդի նախագահ Դոնալդ Տուսկը` ելույթ ունենալով ՄԱԿ-ի Գլխավոր Վեհաժողովի 71-րդ նստաշրջանին:
Նրա խոսքով, ժողովուրդները պետք է վերադարձնեն անվտանգության կորսված զգացումը, որի կարիքն ունի յուրաքանչյուր մարդ: Տուսկի կարծիքով, միջազգային ընկերակցության գլխավոր խնդիրն այսօրվա դրությամբ փախստականներին օգնության տրամադրումն է: «Վերջին ամիսներին Եվրոպայում փախստականների ճգնաժամն աներեւակայելի ծավալների է հասել: Այնուամենայնիվ, Եվրոպական Միության` այդ խնդիրը լուծելու բոլոր փորձերի հետեւում փախստականների հանդեպ կարեկցանքն է եւ պատրաստակամությունը` օգնելու նրանց, ովքեր օգնության կարիք ունեն», - ասել է Տուսկը:
Նա ընդգծել է, որ Եվրոպական Միությունն արդեն միլիարդավոր դոլարներ է հատկացրել փախստականներին եւ միգրանտներին մարդասիրական օգնություն տրամադրելու նպատակով եւ մոտակա ամիսներին եւ տարիներին պատրաստ է այդ նպատակի համար էլ ավելի մեծ միջոցներ հատկացնել:
