Ռուսաստանն ու ԱՄՆ-ն մտադիր են Սիրիայի հարցով հերթական հանդիպումն անցկացնել առաջիկա շաբաթվա ընթացքում: Այս մասին հայտարարել է Սիրիայի հարցով ՄԱԿ-ի գլխավոր քարտուղարի հատուկ բանագնացի տեղակալ Ռամզի Էզզելդին Ռամզին:
Նրա խոսքով՝ Մոսկվան եւ Վաշինգտոնը մտադիր են հասնել Սիրիայում հրադադարի մասին իրենց համաձայնագրի իրականացմանը: ՄԱԿ-ի ներկայացուցչի խոսքով՝ Ռուսաստանն ու ԱՄՆ-ն շարունակում են համանախագահել Սիրիայի աջակցման միջազգային խմբի նիստերում:
Էզզելդին Ռամզին նշել է, որ Սիրիայի հարցով բանագնաց Ստեֆան դե Միստուրան նաեւ ձգտում է վերականգնել սիրիական հակամարտության կողմերի միջեւ բանակցությունները: Նա հույս ունի, որ դա կարող է տեղի ունենալ «առաջիկա շաբաթների ընթացքում»: