Հնդկական IndiGo ավիաընկերության օդանավում, որտեղ 180 ուղեւորներ կային, ծխոտվել է Samsung Galaxy Note 2 սմարթֆոնը, հայտնում է India Today–ը:

Սինգապուրից Չեննաի թռիչքի ժամանակ ուղեւորները զգացել են ծխի հոտ, իսկ անձնակազմը հայտնաբերել է, որ ծուխը ուղեբեռի համար նախատեսված դարակներից է գալիս: Ուղեբեռում գտել են մասամբ այրված Galaxy Note 2:

Samsung Galaxy Note 7 ֆլագմանի թողարկումից հետո բազմաթիվ բողոքներ են եղել՝ մարտկոցի դեֆեկտի պատճառով սարքը ինքնաբռնկվում է:

Ավստրալիական Qantas, Jetstar եւ Virgin Australia ավիաընկերությունները արգելել են իրենց օդանավերում լիցքավորել Samsung Galaxy Note 7: Սեպտեմբերի 9-ին ԱՄՆ քաղավիացիայի դաշնային վարչությունը արգելել էր Galaxy Note 7-ը օդանավ բերել, խնդրելով ուղեւորներին չլիցքավորել սարքը օդանավում նաեւ այն որպես ուղեբեռ չհանձնել: