Ռուսաստանն այլեւս չի համաձայնի Սիրիայում միակողմանի քայլերի, հայտնել է ՄԱԿ-ում Ռուսաստանի մշտական ներկայացուցիչ Վիտալի Չուրկինը, փոխանցում է «ՌԻԱ Նովոստին»:
«Սիրիայում խաղաղության վերականգնումը գրեթե անհնար խնդիր է դարձել, քանի որ երկրում հարյուրավոր զինված խմբավորումներ են գործում, իսկ երկրի տարածքը ռմբակոծում են բոլոր նրանք, «ովքեր չեն ալարում»,- նշել է նա:
Ռուսաստանը բազմիցս հայտնել է, որ Սիրիայում օդային հարվածների համար թիրախները մանրակրկիտ ընտրում է, իսկ այն մեղադրանքները, որ Ռուսաստանը իբրեւ հարվածներ է հասցնում Սիրիայում քաղաքացիական օբյեկտերին, նույնպես երբեք որեւէ հաստատում չեն ունեցել:
Սիրիական Հալեպ քաղաքում տիրող իրավիճակը քննարկելու համար սեպտեմբերի 25-ին ՄԱԿ ԱԽ արտահերթ նիստ է գումարվել ԱՄՆ, Մեծ Բրիտանիայի ու Ֆրանսիայի նախաձեռնությամբ՝ սիրիական բանակի հարձակման կապակցությամբ, որի նպատակն է քաղաքից դուրս մղել ահաբեկչական «Ջեբհաթ ան Նուսրայի» ու այսպես կոչված զինված ընդդիմության զինյալներին: