ՄԱԿ-ում ԱՄՆ մշտական ներկայացուցիչ Սամանտա Փաուերը հայտնել է, որ Սիրիայում Ռուսաստանի գործողությունները ոչ թե ահաբեկչության դեմ պայքար է համարում, այլ բարբարոսություն, չպարզաբանելով, թե ինչի վրա է հիմնված այդ դատողությունը, հայտնում է «ՌԻԱ ՆՈվոստին»:
Փաուերը շեշտել է, որ Սիրիայում շատ ահաբեկիչներ կան: «Բոլորս էլ շահագրգռված ենք, որ նրանք ոչնչացվեն: Նրանք սպառնում են մեր քաղաքացիներին, դրա համար էլ ԱՄՆ-ն ղեկավարում է 67 երկրներից կազմած կոալիցիան»,- ասել է նա՝ հավելելով, որ կոալիցիան ամեն շաբաթ ազատագրում է խաղաղ բնակիչների:
Սիրիական Հալեպ քաղաքում տիրող իրավիճակը քննարկելու համար սեպտեմբերի 25-ին ՄԱԿ ԱԽ արտահերթ նիստ է գումարվել ԱՄՆ, Մեծ Բրիտանիայի ու Ֆրանսիայի նախաձեռնությամբ՝ սիրիական բանակի հարձակման կապակցությամբ, որի նպատակն է քաղաքից դուրս մղել ահաբեկչական «Ջեբհաթ ան Նուսրայի» ու այսպես կոչված զինված ընդդիմության զինյալներին:
