ՄԱԿ-ի Սիրիայի հարցերով հատուկ դեսպան Ստաֆֆան դե Միստուրան հայտնել է, որ մտադիր չէ հրաժարական տալ, չնայած երկրում մարտական գործողությունները դադարեցնելուն ուղղված վերջին ջանքերի ձախողմանը: Ելույթ ունենալով ԱԽ արտահերթ նիստում, նա շեշտել է, որ նման քայլը կընկալվի որպես դավաճանություն սիրիական ժողովրդի հանդեպ, հայտնել է ՏԱՍՍ-ը:
«Ես մտադիր չեմ նման բան անել: Քանի որ իմ հրաժարականը ազդանշան կլինի այն մասին, որ միջազգային համայնքը լքում է սիրիացիներին, իսկ մենք սիրիացիներին չենք լքի: Մեզ պետք չէ նման ազդանշան, որը ընդամենը հինգ րոպե կմնա լուրերում, իսկ հետո ոչ միայն Սիրիան կլքվի բոլորի կողմից, այլեւ կկորի հավատը, որ միջազգային համայնքը իրոք ուզում է դադարեցնել հակամարտությունը»,- ասել է նա:
