Գյումրիում օգոստոսի 25-ին շենքի 4-րդ հարկի պատշգամբից ընկած 2-ամյա Հովհաննես Մանուկյանին կրկին վիրահատել են: Այս մասին այսօր՝ սեպտեմբերի 4-ին,NEWS.am-ին հայտնեցին «Սուրբ Աստվածամայր» ԲԿ-ից, որտեղ այժմ գտնվում է երեխան:
Հիվանդանոցից տեղեկացրին, որ նա թեթեւ վիրահատության է ենթարկվել, մաքրվել է գլխում եղած արյան կուտակումը: Երեխան վերակենդանացման բաժանմունքում է, սակայն գիտակից է, ոտքերում եւ ձեռքերում վերականգնվել են շարժումները:
Նշենք, որ 2-ամյա փոքրիկը պատշագմբից ընկնելուց հետո ծանր վիճակում էր: Նա գանգի ոսկորի, պարանոցային ողի կոտրվածքներ ուներ, գլխուղեղի սալջարդ:
NEWS.am-ի տեղեկություններով՝ երեխան մոր հետ դուրս է եկել պատշգամբ ու ճաղավանդակների արանքից ցած ընկել: