Ադրբեջանը դարձավ աշխարհում այն քիչ պետություններից մեկը, որտեղ այս կամ այն պետական պաշտոնը զբաղեցնել ցանկացողների համար տարիքային շեմը իջեցվել է նվազագույնի: NEWS.am –ի հետ զրույցում նման կարծիք է հայտնել ԱՊՀ երկրների ինստիտուտի հայկական մասնաճյուղի տնօրեն Ալեքսանդր Մարկարովը՝ մեկնաբանելով Ադրբեջանում կայացած սահմանադրական հանրաքվեի արդյունքները:
Փորձագետի խոսքով՝ այսուհետ Ադրբեջանում ֆորմալ առումով բարձր պաշտոնները կարող են զբաղեցնել անգամ դպրոցի շրջանավարտները:
Իրականում, ամենայն հավանականությամբ, խոսքը Իլհամ Ալիեւի ընդունած այսպես կոչված handmade մարտավարության՝ իշխանության ապագա ժառանգորդին պատրաստելու մասին է:
«Փաստացի նա լեգիտիմացրել է իշխանությունը ժառանգաբար փոխանցելը: Նրա հաջորդ փոխանորդը, ամենայն հավանականությամբ, կլինի նա, ում Ալիեւը կնշանակի փոխնախագահի պաշտոնում»,- նշել է քաղաքագետը:
