Հարկերից հատկացումները վճարումները կարող են օգնել Հայաստանի ոչ բոլոր համայնքներին: Այդ մասին սեպտեմբերի 27-ին Հայաստանի խորհրդարանում հայտնել է տարածքային կառավարման եւ զարգացման փոխնախարար Վաչե Տերտերյանը` ելույթ ունենալով «Ֆինանսական հավասարեցման մասին» օրենքի քննարկմանը:
Նա հիշեցրել է, որ 2002 թվականին օրենսդրության մեջ ամրագրվել է քաղաքապետարաններին հանրապետական հարկերի որոշ մասը թողնելու հնարավորությունը: Բայց հանրապետությունում մոտ 900 համայնք կա, մեծամասնությունը` փոքր եւ մեծ գյուղեր են: Դրանցից որոշներում նույնիսկ ավելի քիչ հարկ է հավաքվում, քան ծախսվում է հավաքման վրա: Այդ պատճառով առանց դոտացիաների, համայնքները գլուխ չեն հանի: «Բայց օբյեկտիվ լինելու համար դրանք պետք է որոշվեն բազմաթիվ գործոններով, այդ թվում` տեղակայմամբ (որքան ավելի բարձրադիր է, այնքան ավելի սառն են ձմեռները եւ ավելի մեծ ծախսեր են անհրաժեշտ հանրային շենքերի ջեռուցման համար), մայրաքաղաքից եւ շրջկենտրոնից հեռավորությամբ (որքան ավելի հեռու են, այնքան ավելի շատ են տրանսպորտային ծախսերը), սահմանին մոտ լինելով եւ մի շարք այլ գործոններով», - ընդգծել է Տերտերյանը:
