Վարչապետ Կարեն Կարապետյանն ընդունել է Արժույթի միջազգային հիմնադրամի հայաստանյան առաքելության ղեկավար Հոսեյն Սամիեիի գլխավորած պատվիրակությանը եւ քննարկել երկկողմ համագործակցությանը, Հայաստանի տնտեսության ներկա վիճակին վերաբերող հարցեր:
Կառավարությունից NEWS.am-ին հայտնում են, որ քննարկվել է նաեւ հարկային օրենսգրքով նախատեսվող փոփոխություններին, Հայաստանում գործարար միջավայրի բարելավմանը, ներդրումների ներգրավմանը, հարկաբյուջետային եւ դրամավարկային քաղաքականությանը վերաբերող հարցեր:
Կարեն Կարապետյանը եւ Հոսեյն Սամիեին կարեւորել են բիզնես միջավայրի եւ ենթակառուցվածքների բարելավման ուղղությամբ համապատասխան միջոցառումների եւ ծրագրերի շարունակական իրականացումը:
Անդրադառնալով 2017 թվականի պետական բյուջեի նախագծին՝ վարչապետ Կարապետյանն ընդգծել է, որ կառավարությունը ներկայացնելու է իրատեսական բյուջե՝ առանց չափազանցնելու առկա դժվարությունները կամ գերագնահատելու հնարավորությունները: Կարեն Կարապետյանը կառավարության գործունեության արդյունավետությունն ապահովելու տեսակետից կարեւորել է նաեւ կանխատեսելիության եւ վերահսկողության բարձրացումը:
Հանդիպման ընթացքում զրուցակիցներն անդրադարձել են նաեւ երկուստեք հետաքրքրություն այլ հարցերի:
