«Գազպրոմ» ընկերության «Հյուսիսային հոսք-2» գազատարի նախագիծը նախատսված է Ռուսաստանը Գերմանիային մերձեցնելուն եւ Ուկրաինային պատժելուն,, հայտնում է Financial Times-ը:
Նշվում է, որ մեծաթիվ չեն համաշխարհային էներգետիկ այն նախագծերը, որոնք այդքան տարաձայնություններ են առաջացրել, որքան «Հյուսիսային հոսք-2»-ը, որը Բալթիկ ծովի հատակով ռուսական գազն անմիջաբար Գերմանիա կմատակարարի: Նախագծի քննադատները հայտարարում են, որ այն կմեծացնի ռուսական գազից կախվածությունը, կսահմանափակի մրցակցությունը եւ կվնասի տարանցող երկրների տնտեսությանը, ինչպիսին են Ուկրաինան, Սլովակիան եւ Լեհաստանը:
Հոդվածում ընդգծվում է, որ նախագծին ոչ միայն Մոսկվան է աջակցում, այլ նաեւ եվրոպական հինգ խոշոր ընկերություններ՝ գերմանական BASF-ը եւ Uniper-ը, ֆրանսիական Engie-ն, ավստրիական OMV-ը եւ հոլանդական Royal Dutch Shell-ը:
Թվում էր, թե օգոստոսին Լեհաստանը նախագծին մահացու հարված է հասցրել, երբ երկրի հակամենաշնորհային ծառայությունը հայտարարել էր, որ դրա իրականացման թույլտվություն չի տա, հիշեցնում է մեկնաբանը: Եվրոպական հինգ գործընկերները հրաժարվել էին «Հյուսիսային հոսք-2» կոնսորցիումում 10 տոկոս ստանալու իրենց պլաններից: Այդ ժամանակ «Գազպրոմ»-ը հայտարարել էր, որ աշխատանքներն ինքնուրույն կիրականացնի, իսկ եվրոպացի գործընկերները «նորդրումներ կատարելու» ճանապարհը կգտնեն:
Հոդվածի հեղինակի կարծիքով՝ «Հյուսիսային հոսք-2»-ի, նաեւ «Թուրքական հոսք»-ի շուրջ իրավիճակը ցուցադրում է, որ «Գազպրոմ»-ն ավելի շուտ առաջնորդվում է աշխարհաքաղաքական պատկերացումներով, քան կոմերցիոն: Նա կարծում է, որ ընկերության նպատակներից մեկը մինչեւ 2019 թվականը Ուկրաինային տարանցող երկրի դերից զրկելն է, երբ կավարտվի Կիեւի հետ կնքված պայմանագրի գործողության ժամկետը: Դա միանգամայն հասկանալի է՝ նկատի ունենալով անցյալում տեղ գտած միջադեպերը, որոնք կապված էին ռուսական գազի մատակարարումների հետ: Մինչդեռ դա Ուկրաինային նաեւ կզրկի մի քանի միլիարդ դոլարից, որը նա տարեկան ստանում է ռուսական գազի տարանցումից: