Կառավարության դիմաց այսօր՝ սեպտեմբերի 29-ին, բողոքի ակցիա իրականացնողները ծափահարություններով են դիմավորել մշակույթի նորանշանակ Արմեն Ամիրյանին, որն այսօր առաջին անգամ մասնակցում էր Կառավարության նիստին:

NEWS.am-ի թղթակիցը հաղորդում է, որ հավաքվածները նախ շնորհավորեցին Արմեն Ամիրյանին, ապա ծափահարություններով նրան ուղեկցեցին մինչեւ ավտոմեքենան:

Հիշեցնենք, որ Արմեն Ամիրյանը մշակույթի նախարար է նշանակվել սեպտեմբերի 27-ին՝ փոխարինելով Հասմիկ Պողոսյանին: