Չաշխատող սեփականաշնորհված ակտիվները պետք է սկսեն օգուտ բերել տնտեսությանը: Այս մասին սեպտեմբերի 29-ին Կառավարության նիստում ասել է վարչապետ Կարեն Կարապետյանը:
Նա նշել է, որ ամբողջ հանրապետությունում քիչ չեն նախկին պետական ունեցվածքի օբյեկտները, որոնց սեփականատերերը արդյունավետ չեն կառավարում դրանք: Վարչապետը էկոնոմիկայի, ֆինանսների եւ տարածքային կառավարման նախարարություններին հանձնարարել է գույքագրել այդ ակտիվները եւ առաջարկներ մշակել, թե ինչպես կարելի է դրանք գործի դնել: «Դրա համար մենք պետք է խթանենք սեփականատերերին»,- հավելել է վարչապետը:
