Լեռնային Ղարաբաղում ապրիլյան իրադարձություններից հետո հայկական կողմի մոտեցումները որոշակիորեն խստացել են: Այս մասին սեպտեմբերի 30-ին մամուլի ասուլիսին հայտարարել է ԱԺ արտաքին հարաբերությունների մշտական հանձնաժողովի նախագահ հանրապետական Արտակ Զաքարյանը:
«Մեր սկզբունքները չեն փոխվել: Մեզ համար խնդրի լուծման ձեւաչափը նույնպես չի փոխվել: Մեզ համար կարեւոր է մնում Լեռնային Ղարաբաղի ժողովրդի ինքնորոշման իրավունքը: Մանր մարտավարական եւ կարգավորման այս կամ այն տարբերակին արարողակարգային անցումները ընթացակարգեր են, բայց դրանից քաղաքական ուղղվածությունը չի փոխվում»,- նշել է Արտակ Զաքարյանը: