Մեծի Տանն Կիլիկիո կաթողիկոս Արամ Ա.-ն, իմանալով Հալեպում տիրող իրավիճակի մասին, կապ է հաստատել Բերիո Հայոց Թեմի Առաջնորդ Գերաշնորհ Տ. Շահան Սրբ. Արք. Սարգիսյանի հետ, հետաքրքրվել եղած զարգացումներով:
Մեծի Տանն Կիլիկիո կաթողիկոսությունից NEWS.am-ին հայտնում են, որ Սրբազան Հայրը Արամ Առաջինին ներկայացրել է Հալեպի հայության դժվար իրավիճակը, տեղյալ պահել հայկական թաղամասերի վրա ընկած հրթիռների պատճառով գրանցված զոհերի մասին:
Վեհափառ Հայրապետը ցավակցություն է փոխանցել զոհվածների ընտանիքներին, գնահատել Առաջնորդ Սրբազանի, ազգային իշխանության եւ հայկական թաղամասերի պաշտպանությանը նվիրված տղաների անձնազոհությունը:
Ավելի վաղ NEWS.am-ը հայտնել էր, որ սեկտեմբերի 30-ին, Հալեպի հայաբնակ Վիլլաներ թաղամասի գնդակոծությունից զոհվել է 5 հայ՝ Արման եւ Միրեյ Հինտոյանները, Ծիլա Ճապաղջուրյանը, Հասմիկ Կիրակոսյան-Փերեչիքլյանը, Պիեռ Հարիրոն: Բացի այդ, վիրավորվել է եւս 11 հայ:
