Լոնդոնի իշխանությունները փակել են Թաուերի կամուրջը շինության տեխսպասարկման զանգվածային աշխատանքների համար, գրում է The Guardian–ը։
Նշում են, որ կամուրջն ավտոմոբիլային երթեւեկության համար փակ է մնալու մինչեւ դեկտեմբերի 30-ը։
Լոնդոնի Սիթիի մունիցիպալ աշխատակազմի մամուլի հաղորդագրության մեջ ասվում է, որ կամուրջի ցերեկային ծանրաբեռնվածությունը կազմում է 21 հազար ավտոմեքենա։ Օրական դրանով մոտ 40 հազար մարդ է անցնում։
Պարբերականի տվյալներով, կամուրջը, որը 122 տարեկան է, վերջին անգամ վերանորոգել են մոտ 50 տարի առաջ։