Ղազախստանը Հայաստանի իշխանություններին տեղեկացրել է, որ Երեւանում կայանալիք ՀԱՊԿ Հավաքական անվտանգության խորհրդի նիստին նախագահ Նուրսուլթան Նազարբաեւը չի մասնակցելու:
«Ղազախական կողմը մեզ տեղեկացրել է, որ գագաթնաժողովին Ղազախստանը կներկայացնի վարչապետը»,- հայտարարել է ԱԳ նախարարության մամուլի քարտուղար Տիգրան Բալայանը՝ պատասխանելով NEWS.am-ի հարցին:
Ինչպես ավելի վաղ հաղորդվել էր, Ղազախստանի նախագահ Նուրսուլթան Նազարբաեւը հրաժարվել է Երեւան այցից վատ ինքնազգացողության պատրվակով: Նախօրեին նրա մամուլի ծառայությունը հայտնել էր, որ Նազարբաեւը բուժվում է «մրսածությունից»: Երեւանում ՀԱՊԿ շրջանակում տեղի ունենալիք նիստին կմասնակցի Ղազախստանի վարչապետը: Նիստը տեղի է ունեալու հոկտեմբերի 14-ին:
