ՄԱԿ Գլխավոր ասամբլեան հոկտեմբերի 13-ին Անտոնիո Գուտերեշին հաստատել է կազմակերպության գլխավոր քարտուղարի պաշտոնում։ Այս մասին հայտնում է «Իտերֆաքս»–ը։

Ավելի վաղ Գուտերեշի թեկնածությունը հավանություն էր ստացել ՄԱԿ ԱԽ–ի կողմից։ Նա իր պարտականությունները կստանձնի 2017-ի հունվարի 1-ից։

Գուտերեշը 2005 թվականից զբաղեցնում էր ՄԱԿ՝ փախստականների հարցերով Գերագույն հանձնակատարի պաշտոնը։ 1995-2002թթ. նա զբաղեցնում էր Պորտուգալիայի վարչապետի պաշտոնը, իսկ մինչ այդ ղեկավարում էր Պորտուգալիայի Սոցիալիստական կուսակցությունը։

Պաշտոնից հեռացող Բան Կի Մունը ՄԱԿ–ը ղեկավարում էր 2007–ից։