Հյուսիսային Օսիայում ուղեւորատար ավտոբուսի վթարի հետեւանքով տուժել են ԼՂՀ ՆԳ փոխնախարարի ծնողները: Այս մասին ՏԱՍՍ-ին հաղորդել է Հյուսիսային Օսիայի Պրավոբերեժնի շրջանի ղեկավարի տեղակալ Վալերի Կառլովը:
«Լեռնային Ղարաբաղի ՆԳ փոխնախարարի մայրը ներկայում Վլադիկավկազի Հանրապետական կլինիկական հիվանդանոցում է, նա թեթեւ վնասվածքներ է ստացել: Փոխնախարարի հայրը նույնպես ավտոբուսում է եղել եւ ներկայում ժամանակավոր տեղակայման կետում է, որը ստեղծվել է Բեսլանի մշակույթի տանը»,- ասել է Կառլովը:
Նրա խոսքով՝ ներկայում որոշվում է ժամանակավոր տեղակայման երկրորդ կետ բացելու հարցը:
