Մոսկվա-Երեւան երթուղու ավտոբուսի մասնակցությամբ սարսափելի վթարի մեղավորը, հավանաբար, վարորդն է եղել: REN TV-ի հաղորդմամբ՝ նախնական տվյալներով, ավտոբուսի վարորդը քնել է ղեկին: Արդյունքում ավտոբուսը, որում ավելի քան 50 մարդ է եղել, բախվել է մայթեզրին կանգնած մեքենային:
Ավելի վաղ NEWS.am-ը հաղորդել էր, որ հոկտեմբերի 14-ին, ժամը 04:30-ին Վլադիկավկազի շրջանում իրար են բախվել Մոսկվա-Երեւան երթուղու ավտոբուսն ու «Սկանիա» բեռնատարը:
Վլադիկավկազի վարչակազմից NEWS.am-ի թղթակցին հաղորդեցին, որ վթարի հետեւանքով 32 մարդ է տուժել, 5 զոհ կա: Տուժածներից 4-ը երեխաներ են:
