2016-ի առաջին կիսամյակի վերջին Հայաստանում կատարված ռուսական ընդհանուր ներդրումները հասել են գրեթե 4,5 մլրդ դոլարի: Այս մասին հոկտեմբերի 14-ին Երեւանում հայտարարել է Ռուսաստանի տրանսպորտի նախարար, Հայ-ռուսական միջկառավարական հանձնաժողովի համանախագահ Մաքսիմ Սոկոլովը Հայ-ռուսական միջտարածաշրջանային 5-րդ համաժողովի եւ Եվրասիական գործընկերության 1-ին միջազգային համաժողով բացմանը:
Նրա խոսքով՝ Հայաստանում գործում են 1250 ձեռնարկություններ կամ ռուսական կապիտալով դուստր կազմակերպություններ: Իսկ եվրասիական ինտեգրումը հայկական ընկերությունների համար համագործակցության նոր հնարավորություններ է ընձեռում։
