Ռուսաստանի նախագահի մամուլի քարտուղար Դմիտրի Պեսկովը հերքել է լուրերն այն մասին, որ Ռուսաստանը Թուրքիայի հետ «գործարք» է քննարկել, որի համաձայն Ռուսաստանը չի խանգարի քրդերի հետ Անկարայի դիմակայությանը: «Ո՛չ»,- հայտարարել է նա՝ ի պատասխան այդ լուրերը մեկնաբանելու լրագրողների խնդրանքին: Այս մասին հայտնում է ՏԱՍՍ-ը:
Ավելի վաղ լրատվամիջոցները հայտնել էին, որ Մոսկվան եւ Անկարան «գործարք» են քննարկել, որի համաձայն Թուրքիան Հալեպից հետ է քաշում մի շարք ռազմական կազմավորումներ, որոնք իր ազդեցության տակ են: Իսկ Ռուսաստանն ի պատասխան իբր չի խոչընդոտի այդ ուժերի տեղակայմանը քրդերի դեմ դիմակայության գոտիներում: