Մեծ Բրիտանիայում մարդիկ քվեարկել են ԵՄ կազմից դուրս գալու օգտին, քանի որ ազատություն էին ուզում, ուզում էին վերադարձնել բրիտանական ազատությունը: Այս մասին հոկտեմբերի 15-ին Երեւանում լրագրողներին ասել է Մեծ Բրիտանիայի Լորդերի պալատի անդամ բարոնուհի Քերոլայն Քոքսը՝ ելույթ ունենալով «Մեծ Բրիտանիա. Եվրամիությունը լքած առաջին երկիրը» թեմայով դասախոսության ժամանակ, որը կազմակերպել էր «Ակտիվ երիտասարդական կազմակերպություն» (Active Youth Organization)-ը:
Նրա խոսքով՝ Մեծ Բրիտանիայի բնակիչների մոտ բացակայում էր ԵՄ կազմում մնալու շահագրգռվածությունը:
Հիշեցնենք, որ հունիսի 23-ին Մեծ Բրիտանիայում ԵՄ կազմից դուրս գալու հարցով հանրաքվեի արդյունքում բնակչության 51.9 տոկոսը կողմ քվեարկեց դրան:
