«Սասնա ծռեր» խմբին օժանդակելու մեղադրանքով կալանավորված՝ «Հիմնադիր խորհրդարանի» անդամ Կարո Եղնուկյանը, շարունակում է հոկտեմբերի 7-ից սկսած հացադուլը: NEWS.am-ի հետ զրույցում նրա պաշտպան Տիգրան Հայրապետյանն ասաց, որ իր պաշտպանյալն առողջական խնդիրներ ունի` ճնշման անկում եւ թուլություն եւ բժիշկների հսկողության տակ է.
«Բժիշկների հսկողության տակ է՝ աշխատանքային օրերին երկու անգամ, իսկ ոչ աշխատանքային օրերին մեկ անգամ բժիշկները ն ստուգում են նրան: Վճռական է տրամադրված, ճնշման անկում կա մոտը, նաեւ հյուծված տեսք ունի: Երեկվա դրությամբ 8 կգ արդեն նիհարել է»,-ասաց նա:
Նշենք, որ անժամկետ հացադուլ հայտարարած Կարո Եղնուկյանը բողոքում է Հայաստանի դատական համակարգի դեմ, նա «Երեւան» ՔԿՀ-ի իր խցում այս պահին մենակ է: