Ադրբեջանի քաղբանտարկյալների մշտադիտարկման կենտրոնը հայտարարություն է արել «Մուսուլմանական միություն» շարժման առաջնորդ Թալա Բագիրաձեի եւ «Նարդարանյան գործով» մյուս մեղադրյալների դատական գործընթացի մասին։
«Մենք եւ Ադրբեջանի ժողովրդավարական հասարակությունը վրդովված ենք ոչ օբյեկտիվ դատական հետաքննության պատճառով։ Չնայած մեղադրյալների բազմաթիվ ցուցմունքներին, որ իրենց դեմ դաժան խոշտանգումներ են կիրառել, դատավորները չեն հետաքննում այդ բողոքները։ Ընդհակառակը, պետական մեղադրողները եւ դատավորները օգնում են կազմակերպված հանցագործության դեմ պայքարի վարչության աշխատակից վկաներին խուսափել ամբաստանյալների եւ նրանց փաստաբանների հարցերից, որոնք բացահայտում են նրանց գործունեությունը»,– Turan–ին ասել է Ադրբեջանի քաղբանտարկյալների մշտադիտարկման կենտրոնի ղեկավար էլշան Հասանովը, փոխանցում է contact.az–ը։
«Նարդարանյան գործով» մեղադրյալների նկատմամբ խախտվել է Մարդու իրավունքների եւ ազատությունների եվրոպական կոնվենցիայի 3-րդ հոդվածը՝ խոշտանգումների արգելք, 6-րդ հոդվածը՝ արդար դատական գործընթացի իրավունք, 13-րդ հոդվածը՝ պաշտպանության արդյունավետ միջոց ունենալու իրավունք»,– ասել է նա։
Կալանավորվածների եւ որոշ վկաների ցուցմունքները կասկածի տակ են դնում Նարդարան ավանում ուժի գործադրման անիրավաչափությունը, ասված է հայտարարության մեջ։