Երիտասարդ տղամարդը, որը փարանջա հագած վարսավիրանոց էր մտել իր հարսնացուին տեսնելու նպատակով, իրարանցում է առաջացրել Թուրքիայի Ադանա քաղաքում, քաղաքացիների մեկը կարծել էր, թե կնոջ շորերով տղամարդը ահաբեկիչ է ու ահազանգել իրավապահներին, հայտնում է Haberturk հեռուստաալիքը։
«Այստեղ փարանջայով մարդ է շրջում, բայց նա կին չէ, տղամարդու է նման։ Իսկ փարանջայի տակ թաքցրած զենք կա»,- մեջբերում է հեռուստաալիքը քաղաքացու խոսքը։
Դեպքի վայր ժամանած ոստիկանները կասկածյալին չեն հայտնաբերել, ու նրան կարողացել են ձերբակալել միայն 200 տեսախցիկներից առգրավված տեսագրությունները վերլուծելուց հետո։ Ձերբակալվածին հակաահաբեկչական բաժնի աշխատակիցները տարել են բաժանմունք՝ հարցաքննության համար։
Երիտասարդը պատմել է, որ այդ վարսավիրանոցում աշխատում է իր հարսնացուն, որի հետ աղջկա հայրը մինչեւ հարսանիք արգելել էր հանդիպել։ «Փողոցում նույնպես մենք չենք կարողանում հանդիպել, իսկ վարսավիրանոց տղամարդկանց մուտքն արգելված է։Ես որոշեցի փարանջա հագնել ու այդպես հանդիպել հարսնացուիս»,- խոստովանել է փեսացուն իրավապահներին։