Վանաձորում, այսօր՝ հոկտեմբերի 18-ի վաղ առավոտից ձյուն է տեղում: Նախօրեին երեկոյան սկսված ձնախառն անձրեւը գիշերվա ընթացքում փոխվեց ձյան: Սա այս տարվա առաջին ձյունն է քաղաքում:
Վանաձորից NEWS.am-ի թղթակիցը հայտնում են, որ վաղ առավոտից Վանաձորում ու հարակից շրջաններում տեղացող ձյան հաստությունը չի անցնում մի քանի սանտիմետրը: Քաղաքապետարանի կոմունալ տնտեսության ու բարեկագման բաժնի պետ Լյովա Մելիքյանի տեղեկացմամբ, գիշերը տեղացած ձյունը փողոցներում ինքն իրեն հալվում է ու առայժմ ձնամաքրման աշխատանքներ իրականացնելու կարիք չկա:
«Հասարակական տրանսպորտը Վանաձորում անխափան աշխատում է: Ձյան տեղումներն այս պահին շարունակվում են: Սպասենք, տեսնենք, եթե մինչեւ երեկոյան ձյունը չդադարի, գուցեեւ մաքրման անհրաժեշտություն առաջանա»,- նշեց Լյովա Մելիքյանը: