Կոտայքի մարզի Եղվարդ քաղաքում այսօր՝ հոկտեմբերի 18-ին, հուղարկավորել են Արցախի դիրքերից մեկում հոկտեմբերի 15-ի առավոտյան սպանված 19-ամյա զինծառայող Վահագն Վիրաբյանին: Հուղարկավորությանը մասնակցել են ԶՈւ բարձրաստիճան սպաներ, ծառայակից ընկերներ:
Վահագն Վիրաբյանի սպանության գործով ձերբակալվել է նրա ծառայակիցը:
Հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասով:
Վահագն Վիրաբյանը Եղվարդից է, տան միակ արու զավակը: Նա շուտով զորացրվելու էր:
Ավելի վաղ NEWS.am-ը հայտնել էր, որ նախնական տվյալներով՝ հոկտեմբերի 15-ին, ժամը 08:40-ի սահմաններում, N զորամասի պահպանության տեղամասի մարտական դիրքում հերթապահության նշանակված ժամկետային զինծառայող, շարքային Վահագն Գագիկի Վիրաբյանի ուղղությամբ արձակվել են կրակոցներ՝ վերջինիս պատճառելով մահացու հրազենային վիրավորումներ:
Ավելի վաղ տեղեկացրել էինք, որ Վահագն Վիրաբյանը Եղվարդից է, տան միակ արու զավակը: Նա շուտով զորացրվելու էր:
