Ուկրաինայի նախագահ Պյոտր Պորոշենկոն այդքան էլ լավատեսաբար չէ տրամադրված նորմանդական քառյակի հանդիպման կապակցությամբ։ Այս մասին նա հայտնել է Նորվեգիա կատարած այցի ժամանակ, հայտնել է «112 Ուկրաինա» հեռուստաալիքը։
«Ես լավատեսաբար եմ տրամադրված Ուկրաինայի ապագայի առթիվ, բայց ցավոք այդքան էլ լավատեսաբար չեմ տրամադրված վաղվա հանդիպման կապակցությամբ։ Բայց ուրախ կլինեի, եթե այն ինձ զարմացներ»,- հայտնում է Պորոշենկոն։ Նրա խոսքով մինչեւ բեռլինյան գագթնաժողովը լինելու է եռակողմ հանդիպում Գերմանիայի կանցլերի ու Ֆրանսիայի նախագահի հետ, որի ընթացքում համակարգվելու են նախօրեին նորմանդական քառյակի հանդիպման ժամանակ նախանշված դիրքորոշումները։
