Գերմանիայում 49-ամյա տղամարդը կրակ է բացել 4 ոստիկանների ուղղությամբ, հայտնում է The Independent–ը։
Գերմանիայի ՆԳՆ–ից հայտնել են, որ հրաձգությունը տեղի է ունեցել Բավարիայի Գեորգենսմյունդ համայնքում։ Ոստիկանները որոշել էին առգրավել զենքը ոչ պատշաճ կիրառման պատճառով։ Դրանից հետո տղամարդը սկսել էր կրակել։
Bild–ը հայտնում է, որ իրավապահներից մեկը ծանր վիրավոր է։
Այս պահին կասկածյալը կալանավորված է։ Նա թեթեւ վիրավորում է ստացել։ Հայտնի է, որ տղամարդը կապ է ունեցել նեոնացիստական շարժման հետ։