Բերման է ենթարկվել եկեղեցուց գողություն կատարած անձը: Ոստիկանության Նոր Նորքի բաժին հաղորդում է ստացվել, որ Սուրբ Գեւորգ բարեգործական ընկերությանը պատկանող նույնանուն եկեղեցուց գողացել են սրբապատկերներ, հանգանակության գումար:
Պարզվել է, որ գողությունը կատարել է Նոր Նորքի բնակիչ 60-ամյա Պավել Խանդիրյանը: Հոկտեմբերի 5-ին Խանդիրյանը գողոնով ներկայացել է ոստիկանության Նոր Նորքի բաժին: Ոստիկանությունում նա ասել է, որ ալկոհոլի ազդեցության տակ է եղել, իսկ եկեղեցուց մի քանի անգամ է գողություն կատարել. «Մտել, աղոթք եմ արել եւ նկարներ եմ վերցրել»:
Պավել Խանդիրյանը ստորագրությամբ բաց է թողնվել:
