Նախորդ տարվա համեմատ մթերվել է 50 տոկոսից պակաս խաղող։ Այս մասին այսօր՝ հոկտեմբերի 20-ին, խորհրդարանում լրագրողների հետ զրույցում ասաց ՀՀ գյուղատնտեսության նախարար Իգնատի Առաքելյանը։
«Հիսուն տոկոս պակաս են եղել մթերումները, քանի որ կարկտահարություն է եղել, ցրտահարություն, իսկ նախորդ տարի բնակլիմայական պայմաններն ավելի բարենպաստ էին»,- ասաց նախարարը։
Անդրադառնալով ՀՅԴ-ի հայտարարությանը, թե շատ հաճախ թվերն ուռճացվում են, Իգնատի Առաքելյանը նշեց, որ գյուղատնտեսության ոլորտում այս մասին խոսելը մի քիչ բարդ է, քանի որ թվերը շատ հաճախ կախված են տվյալ տարվա բնակլիմայական պայմաններից։
Նշենք, որ Ազգային ժողովում այսօր քննարկվում է Կառավարության ծրագիրը։
