Հայաստանում ներդրումներ քիչ են կատարվում բազմաթիվ պատճառներով՝ փոքր երկիր ենք, լոգիստիկայի, հարկային մաքսային դաշտում խնդիրներ ունենք: Այս մասին այսօր՝ հոկտեմբերի 20-ին, հայտարարել է վարչապետ Կարեն Կարապետյանը՝ ԱԺ-ում կառավարության ծրագիրը ներկայացնելիս պատասխանելով «Բարգավաճ Հայաստան» խմբակցության պատգամավոր Միքայել Մելքումյանի հարցին:
Պատգամավորի այն հարցին, թե կառավարության ծրագիրն ուղղվա՞ծ է այն բանին, որպեսզի հանրապետությունում աշխատանքի արտադրողականության առաջընթաց գրանցվի, վարչապետը պատասխանել է. «Մենք հաշվարկել ենք, թե բիզնեսում ինչ պետք է անենք, որի արդյունքում առաջընթաց ենք ակնկալում»:
Անդրադառնալով Միքայել Մելքումյանի այն հարցին, թե ինչու են Հայստանում ներդրումներն աներեւակայելի ցածր, Կարեն Կարապետյանը պատասխանել է. «Բազմաթիվ պատճառներով՝ փոքր երկիր ենք, լոգիստիկայի, հարկային մաքսային դաշտում խնդիրներ ունենք»:
