Եվրասիական տնտեսական միության երկրների համար նոր Մաքսային օրենսգիրքը, հնարավոր է, ընդունվի հոկտեմբերի 28-ին՝ միջկառավարական խորհրդի նիստին: Այս մասին ՏԱՍՍ-ի հետ հարցազրույցում հայտնել է Ռուսաստանի Հարկային դաշնային ծառայության ղեկավարի տեղակալ եւ Համաշխարհային մաքսային կազմակերպության խորհրդի նախագահ Ռուսլան Դավիդովը:
«Եվրասիական տնտեսական հանձնաժողովի եւ ԵՏՄ երկրների ազգային ներկայացուցչությունների մակարդակով շատ բան է արվում, որպեսզի 2017 թվականի հունվարի 1-ից սկսեն աշխատել ԵՏՄ նոր օրենսգրքով: ԵՏՄ միջկառավարական խորհրդի նիստը տեղի կունենա հոկտեմբերի 28-ին: Մենք ակնկալում ենք, որ այնտեղ վերջնական որոշում կընդունվի, եւ հաջորդ տարվանից ԵՏՄ Մաքսային օրենսգիրքը ուժի մեւ կմտնի»,- ասել է Դավիդովը:
Օրենսգրքում նախատեսված են եւ՛ հայտարարագրերի ավտոմատ ներկայացումը, եւ՛ «միասնական պատուհանի» սկզբունքը, եւ՛ լիազորված օպերատորի ինստիտուտի արդիականացումը: