Գյումրիում 98 անօթեւան ընտանիքներ չկան բնակարանի հերթացուցակներում: Այս մասին այսօր՝ հոկտեմբերի 20-ին, ԱԺ-ում հայտարարել է Հանրապետական խմբակցության պատգամավոր Սուքիաս Ավետիսյանը:
Մինչեւ 1988 թվականի երկրաշարժը նրանք մասնավոր տներ են ունեցել, բայց նրանց ցուցակների մեջ չեն ընդգրել, եւ նրանց հարցը տարներով չի լուծվել:
Եվս 148 ընտանիքի 3-սենյականոց բնակարան էր հասնում, բայց նրանք ընդամենը 2-սենյականոց են ստացել: Կա կառավարության որոշում նրանց 1 սենյակով փոխհատուցելու մասին: Պետք է հասկանալ՝ նրանց այդ փոխհատուցումը կտրվի, թե ոչ, հավելեց նա:
Վերջապես, կան եւս 370 ընտանիքներ, որոնք ցուցակներում չեն ընդգրկվել փաստաթղթերի հետ կապված խնդիրների պատճառով, նշեց նա:
«Ընդդիմությունը նշում է, որ Գյումրիում 3,400 անօթեւան ընտանիքներ կան: Իսկապես այդքան է հաշվվում: Բայց դրանք փաստաթղթերի լրիվ փաթեթ չունեցող ընտանիքներն են»,- հայտարարեց Ավետիսյանը: