ՄԱԿ մարդու իրավունքների խորհուրդը կողմ է քվեարկել Սիրիայի Հալեպ քաղաքում տեղի ունեցած իրադարձությունների հատուկ անկախ հետաքննության անցկացմանը, հայտնում է Reuters- ը,
Հետաքննության մասին դրույթը պարունակվում է Մարդու իրավունքների խորհրդի նիստի ընթացքում հաստատված բանաձեւում, որը առաջարկել էր Մեծ Բրիտանիան ու մի շարք այլ արեւմտյան ու արաբական պետություններ։Այս փաստաթղթին կողմ է քվեարկել 24 երկրների ներկայացուցիչներ, դեմ՝ յոթ երկրներ, ձեռնպահ են մնացել՝ 16-ը։
ՄԻԽ քարտուղարություն Մեծ Բրիտանիայի ուղարկած նամակում ասվում է, որ հատուկ նստաշրջանը գումարվում է «Հալեպում իրավիճակի վատացման ու մարդու իրավունքների ոլորտում Բաշար Ասադի ու նրա դաշնակիցների կողմից իրենց միջազգային պարտավորությունների կատարման ձախողման կապակցությամբ»։ Փաստաթղթում նաեւ նշվում է, որ մարդու իրավունքների խախտումների համար մեղավորները պետք է պատասխանատվության կանչվեն, ու դրանում կարեւոր դեր ունի Միջազգային քրեական դատարանը։
Այս նախաձեռնությունը կոշտ քննադատել է ՄԱԿ-ի բաժանմունքում ու այլ միջազգային կազմակերպություններում Ռուսաստանի ներկայացուցիչ Ալեքսեյ Բորոդավկինը։ «Այս հատուկ նստաշրջանի նպատակն է պաշտպանել Արեւելյան Հալեպում մնացած ահաբեկիչներին, որոնք անթիվ անհամար զանգվածային հանցագործություններ են կատարում խաղաղ բնակչության դեմ, ու բոլոր մահացու մեղքերում մեղադրել նրանց, ովքեր պայքարում են այդ հանցագործների դեմ»։ Նա նաեւ շեշտել է, որ դա հերթական հակասիրիական ու հակառուսական մտահղացումն է։։ Դիվանագետը «լրիվ անտեղին» է կոչել այդ հատուկ նստաշրջանը՝ հաշվի առնելով, որ Ռուսաստանը հայտարարել է Հալեպում հումանիտար ընդմիջման մասին։
