Կինոռեժիսոր, սցենարիստ Ներսես Հովհաննիսյանի աճյունը Հայաստան չի տեղափոխվի: Այս մասին NEWS.am-ին հայտնեցին Մշակույթի նախարարության մամուլի ծառայությունից:

Ներսես Հովհաննիսյանի հուղարկավորությունը տեղի կունենա Ռուսաստանում: Նշենք, որ նա երկար տարիներ բնակվում էր Մոսկվայում:

Հիշեցնենք, որ Ներսես Հովհաննիսյանը մահացել է նախօրեին 78 տարեկան հասակում: Ռեժիսորի ֆիլմերը մեծ ժողովրդականություն էին վայելում՝ «Հարսնացուն հյուսիսից» (1975թ.), «Երջանկության մեխանիկա» (1982թ.), «Օտար խաղեր» (1986թ.), «Ձախորդ Փանոսը» (1969թ.), «Խոշոր շահում» (1980թ.), «Մենավոր ընկուզենի» (1987թ.) եւ այլն։