Հայ արտահանողները կարող են ֆորվարդային գործարքներ կնքել եւ ապահովագրվել արժույթի տատանումներից։ Այս մասին հոկտեմբերի 24-ին խորհրդարանում ասել է ԿԲ փոխնախագահ Ներսես Երիցյանը՝ ներկայացնելով «Արժեթղթերի շուկայի մասին» օրենքում փոփոխությունների նախագիծը։

Օրինագծերի փոփոխությունների նպատակը Հայաստանում ստանդարտ ICDM կիրառումն է, որը թույլ կտա միջազգայնորեն ընդունելի պայմանագրեր կնքել երկրորդական ֆինանսական գործիքներով (ռեպո, ֆյուչերսներ, սվոփեր եւ այլն) Բարեփոխումներն իրականացվում են ՎԶԵԲ–ի հետ համագործակցությամբ Սվոփերի ու ածանցյալների միջազգային ասոցիացիայի (ISDA)  մոդելով։

Դերիվատիվները թույլ կտան ապահովագրել ֆինանսական ռիսկերը, այդ թվում՝ արժույթի տատանումների ռիսկերը։ Եթե այդ ֆինանսական գործիքները հասանելի լինեին արդեն 2014–ին, հայ արտահանողները չէին տուժի ռուբլու փոխարժեքի տատանումներից։ «Նրանք արագ ֆորվարդային արժութային գործարքներ կկնքեին, կամրապնդեին ռեֆերենտ փոխարժեքը, իսկ հետո կվճարեին պայմանագրի իրականացման ընթացքում շեղումների դիմաց»,– ասել է Երիցյանը։