Մալթայի ինքնիշխան մարտական ուխտի արքայազն եւ Մեծ վարպետ Ֆրա Մեթյու Ֆեսթինգը հոկտեմբերի 24-ին այցելել է Ծիծեռնակաբերդ հուշահամալիր։ (ֆոտոռեպորտաժ)
Արքայազնին ուղեկցում էին ՀՀ փոխարտգործնախարար Կարեն Նազարյանը, Վատիկանում Հայաստանի արտակարգ եւ լիազոր դեսպան Միքայել Մինասյանը, Երեւանի քաղաքապետ Տարոն Մարգարյանը, Ցեղասպանության թանգարան–ինստիտուտի փոխտնօրեն Սուրեն Մանուկյանը։
Մալթայի ինքնիշխան մարտական ուխտի արքայազն եւ Մեծ վարպետ Ֆրա Մեթյու Ֆեսթինգը ծաղկեպսակ է դրել հուշահամալիրիում եւ ծաղիկներ է խոնարհել հավերժական կրակի մոտ։ Նա նաեւ ծառ է տնկել՝ ի հիշատակ 20-րդ դարի առաջին ցեղասպանության զոհերի։
Այցի ավարտին Մալթայի ինքնիշխան մարտական ուխտի արքայազն եւ Մեծ վարպետ Ֆրա Մեթյու Ֆեսթինգը եղել է Ցեղասպանության թանգարան–ինստիտուտում եւ գրառում կատարել սգո մատյանում։