Սանկտ-Պետերբուրգում դատարանը «մեղմ դատավճիռ» է կայացել Ադրբեջանի մի քաղաքացու նկատմամբ, ով պատվիրել էր իր զարմիկի սպանությունը: Չար քեռին փորձել էր խճճել քննությանը կեղծ վարկածով, թե ազգականին սպանել են սքինհեդները:
Ադրբեջանի 43-ամյա քաղաքացի Զահիր Մուստաֆաեւը մեղավոր է ճանաչվել եւ երկու տարվա պայմանական ազատազրկման դատապարտվել: Նման մեղմ դատավճիռը պայմանավորված է անկեղծ զղջմամբ եւ այն հանգամանքով, որ հանցագործն ակտիվորեն համագործակցել է քննության հետ:
Ըստ Պետերբուրգի իրավապահների, վարձու մարդասպանը պետք է բեյսբոլի մահակով ծեծեր նրա քրոջ որդուն, որի հետ քեռին վատ հարաբերություններ ուներ: Զարմիկը մի անգամ նեղացրել էր քեռուն քեֆի ժամանակ:
Չար քեռին ոչ միայն մտածել, այլեւ մի ամբողջ թատրոն էր խաղացել՝ քննությանը խճճելու համար: Դեպքի վայրում իրավապահները պետք է հայտնաբերեին երկու խաղաթուղթ, որոնք երիտասարդական սլենգով նշանակում էին Heil Hitler: Այդ դիմակահանդեսի համար պատվիրատուն մարդասպանին պետք է վճարեր 2 հազար դոլար: Սակայն այդ ծրագիրը կյանքի չի կոչվել, քանի որ մարդասպանը վախեցել էր եւ անձամբ ներկայանալով ոստիկանություն, պատմել ամեն ինչ: 2009թ. հուլիսի 2-ին պատվիրատուին ձերբակալել էին: