2019 թվականին Հայաստանի էներգահամակարգերի կառավարման կենտրոնը նախկին ԽՍՀՄ երկրներից լավագույնը կլինի։ Այս մասին հոկտեմբերի 27-ին խորհրդարանում ասել է էներգետիկ ենթակառուցվածքների եւ բնական պաշարների փոխնախարար Արեգ Գալստյանը՝ ներկայացնելով «էներգետիկայի մասին» օրենքում փոփոխությունների նախագիծը։
Նրա խոսքով՝ բոլոր ենթակայաններում կլինի ինֆորմացիայի հավաքագրման ու կառավարման համակարգ։ Համակարգը ավտոմատ օպերատիվ որոշումներ կկայացնի այս կամ այն էներգետիկ օբյեկտի միացման կամ անջատման մասին։ Դա մեկ վայրկյանից էլ քիչ է տեւելու։ «Հիմա էլ ենք լիարժեք տվյալներ ստանում, ուղղակի 2-3 տարուց կունենանք նոր համակարգ»,– ասել է Գալստյանը։
