Ընկերությունը հայտնել է մեկ տարվա ընթացքում աշխատակազմը 9 տոկոսով կրճատելու մտադրության մասի՝ աշխատանքի արդյունավետությունը բարձրացնելու նպատակով, հայտնում է BBC –ն։
Twitter-ի գլխավոր տնօրեն Ջեք Դորսիի խոսքով, ընկերությունը կենտրոնանալու է ընկերության հիմնական ստորաբաժանումների զարգացման վրա։
Աշխատակիցների կրճատման ծրագրերի մասին ընկերությունը հայտնել էր այս տարվա երրորդ եռամսյակում ֆինանսական հաշվետվության հրապարակման հետ միաժամանակ։ Ըստ հաշվետվության՝ ընկերության եռամսյակային շահույթը 8 տոկոսով աճել է ՝ հասնելով 616 մլն դոլարի։ Ընկերության կորուստը վերջին երեք ամիսներին կրճատվել է 22 տոկոսով՝ հասնելով 103 դոլարի։
Վերջերս Twitter-ը ստիպված է մրցակցել այլ սոցցանցերի ու մեսենջերների ՝ առաջին հերթին Facebook, Instagram եւ Snapchat–ի հետ։
2016-ի հունվարին արձանագրվել է ամսական թվիթների ռեկորդային ցածր քանակություն՝ 300 մլն, ինչը կրկնակի քիչ է 2014-ի օգոստոսին գրանցված 661 մլն թվիթ առավելագույն ցուցանիշից։
Այդուհանդերձ երրորդ եռամսյակի արդյունքներով ակտիվ օգտատերերի բազան աճել է 3 տոկոսով, կազմելով 317 մլն։
Անցած տարի ընկերությունը կրճատել էր աշխատակիցների 8 տոկոսը, այն ժամանակ սկսված խնդիրների պատճառով ընկերության համահիմնադիր Ջեք Դորսին էր զբաղեցրել գլխավոր տնօրենի պաշտոնը, որպեսզի անձամբ ղեկավարի ընկերությունը այդ բարդ ժամանակաշրջանում։