Նյու Յորքում ՄԱԿ-ի շտաբ բնակարանում կայացել է միջոցառում, որը նվիրված է մարդկանց առեւտրի դեմ պայքարին՝ Պալերմոյի արձանագրության համընդհանուր վավերացման ճանապարհով։ Դիմելով միջոցառման մասնակիցներին՝ ՄԱԿ թմրադեղերի ու հանցավորության հարցերով վարչության ղեկավար Յուրի Ֆեդոտովը կոչ է արել ուժեղացնել պայքարը միգրանտների մաքսանենգության դեմ։
«Ինչպես տեսնում ենք ՝ ապօրինի միգրացիայի, միգրանտների մաքսանենգության ու մարդկանց առեւտրի միջեւ կայուն կապ կա»,- ասել է Յուրի Ֆեդոտովը։
Նա միջազգային համայնքին կոչ է արել միասնական ճակատով պաշտպանել փախստականներին ու միգրանտներին ու անել ամեն ինչ, որպեսզի մաքսանենգները ու «կենդանի ապրանքի» առեւտրով զբաղվողները հայտնաբերվեն, զրկվեն հանցավոր ակտիվներից ու քրեական պատիժ կրեն։ Նա համառորեն կոչ է արել պետություններին միանալ Պալերմոյի արձանագրությանը ու վավերացնել այն։
Այսօրվա դրությամբ Պալերմոյի արձանագրությունը (Արձանագրություն մարդկանց՝ հատկապես կանանց ու երեխաների առեւտրի կանխման ու դրա համար պատժի մասին) վավերացրել են աշխարհի 170 երկրներ։
