Welcome to Armenia նախագիծը ցանկանում է 2017 թվականին Հայաստանում կոնյակի փառատոն անցկացնել: Այս մասին այսօր՝ հոկտեմբերի 28-ին, Երեւանում ընթացող Welcome to Armenia զբոսաշրջային համաժողովի ընթացքում հայտարարել է նախագծի համակարգող Վրույր Փենեսյանը:

Նրա խոսքով՝ Գերմանիան հռչակվել է իր Oktoberfest-ով, Վրաստանը՝ գինու փառատոնով, իսկ Հայաստանը ցանկանում է զբոսաշրջիկներին գրավել կոնյակի ավանդույթներով:

«Ավելի ուշ մենք ծրագիրը մանրակրկիտ կմշակենք եւ կներկայացնենք զբոսաշրջային օպերատորներին: Կարծում եմ, որ փառատոնի թեման բավական հետաքրքիր է, որպեսզի արտասահմանից մի քանի հազար զբոսաշրջիկների գրավի»,- նշել է Փենեսյանը: