Ադրբեջանը փակուղու մեջ է, եթե Ռուսաստանի աջակցությունը չունենա` ԼՂ հարցում կոնկրետ քայլերի չի գնա: Այս մասին այսօր` հոկտեմբերի 28-ին, լրագրողների հետ հանդիպմանն ասաց Քաղաքական եւ միջազգային հետազոտությունների հայկական կենտրոնի փորձագետ Ռուբեն Մեհրաբյանը:
«Մտնում ենք ակտիվ բանակցային գործընթացներ, որոնք կտեւեն մինչեւ տարվա վերջ: Դրա արդյունավետությունը կախված կլինի նրանից, թե ԱՄՆ-ն Ռուսաստանին կկարողանա՞ ստիպել խաղալ իր կանոններով, թե ոչ: Ադրբեջանը փակուղու մեջ է այս պահին, եւ եթե Ռուսաստանի աջակցությունը չունենա, ոչինչ չի կարողանա անել: Ադրբեջանը սրացումների է գնում շփման գծում, սակայն, խոսել, որ այժմ իրավիճակը շատ լարված է սահմանին, մի քիչ չափազանցություն կլինի, բայց այն, որ այդ սրացումը, սրացման տենդենցը կա` ակնհայտ է»,-ասաց նա:
